Градоначалникот Јован Стојаноски, денес оствари работна средба со министерката за привлекување странски инвестиции Зорица Апостолска. Министерката Апостолска го запозна градоначалникот Стојаноски со планот на владата за економски раст и финансиската поддршка што истиот ја нуди за новите инвестиции.

Пензионерите од Охрид и Дебрца кои се снабдуваат со огревно дрво преку Здружението на пензионери од Охрид и Дебрца навреме ќе добијат огревно дрво. Од здружението уверуваат дека сите ќе го добијат огревното дрво, до почетокот на сезоната, доколку  исплатиле дел од ратите. Дадена им е можност за плаќање  до десет рати.

Учениците од охридските основни и средни училишта останаа без организиран превоз. Причината е ненавремено објавен тендер за избор на превозни компании. Тендерот е распишан и се очекува до почетокот на октомври да се воспостави организиран училишен превоз.

Денот на независноста на Република Македонија, беше одбележан со ревијален ватерполо турнир во градското пристаниште. Овој спортски настан, го организираа Секторот за спорт при општина Охрид, клубот за спортови на вода „Охридски бранови 2008“ и Охридскиот Црвен Крст.

По повод Денот на независноста на Република Македонија, денес, во Охрид беше организиран 32. Меѓународен атлетски маратон.

Пластичните кеси од 1 декември се забрануваат, а на пазарот ќе се продаваат биоразградливи кеси за 15 денари по парче кои ќе треба да бидат произведени според пропишани стандарди за биоразградливост. Ова се предвидува во Законот за управување со пакување и отпад од пакување кој Собранието го донесе пред два дена.

Група ученици од втора и четврта година  и нивни професори од гимназијата „ Св. Климент Охридски“ , на нивна иницијатива, денеска имаа средба со градоначалникот Јован Стојаноски.

Со прогласувањето на независноста на нашата татковина, Република Македонија, точно пред 27 години, се оствари сонот што многу генерации Македонци го сонуваа.