Драмската програма на фестивалот „Охридско лето“ продолжува вечерва од 21 часот на сцената „Долни Сарај“ со театарската претстава „History of Мother Fuckers“ според „Кориолан“ од Вилијам Шекспир, во режија на Андраш Урбан, а во изведба на Народниот театар од Битола.

Се поголем е бројот на приватни станоиздавачи од мал обем кои се субвенционирани од Локалната.  Веќе втора година по ред според програмата на Секторот ТЛЕР сите станоиздавачи кои се уредно пријавени и регистрирани добиваат повратни средства 50% од уплатената туристичка такса. Во програмата за 2016та предвидени се 400 000 ден. за субвенционирање на приватните станоиздавачи.

Од ЈП „Комуналец“ велат дека иако деновиве не се очекуваат врнежи од снег тие се подготвени доколку е потребно да интервенираат на терен. Снегот кој вчера наврна направи проблеми на планинските превои, па имаше застој во сообраќајот на Пресека. Денес нема никакви  проблеми на патиштаат низ државава, а од Македонија пат велат дека екипите се постојано на терен.

Глувите и наглуви лица од градов  преку своето здружение постојано се борат за подобрувањето на квалитетот на нивниот живот. Младите кои се школуваат најчесто тоа го прават во специјализираните училишта во државава. Оние пак кои остануваат да учат во градов бараат да се зголеми бројот на толкувачи на знаковниот јазик како би можеле да ја следат наставата. Сакаат и што поскоро градоначалникот Никола Бакрачески да го исполни ветувањето и да го уреди патниот правец кој води до хотелот Даљан кој е нивно собиралиште.

Триесетдневен притвор и кривични пријави за тројцата српски државјани кои учествуваа во новогодишниот инцидент, во кој загина 26 годишниот Димитар.М од Охрид.

Длабоко сочуство до семејството на младо починатото момче од Охрид изрази градоначалникот Никола Бакрачески. Воедно тој упати апел до граѓаните посебно на оние кои се активни на социјалните мрежи да се воздржат и да не даваат избрзани коментари од кои може да произлезат поинакви контексти.

Прво па машко. Младата ресенчанка Гическа Марија го донесе на свет своето прво чедо, но и првото новороденче во Охрид во новата година.

Од дебарско кичевската епархија ги информираат православните верници за распоредот на богослужбите во охридските свети храмови за Божиќните и Богојавленските празници, односно од 5ти до 20ти јануари 2016г.