Од автоматизирани светилки, светилки во боја кои се палат и гасат во ритамот на музиката, презентации на машински елементи, до фризури, шминки и масажи. По повод својот патронат, учениците и професорите од ЕМУЦ, со презентација на своите струки го одбележаа овој прекрасен јубилеј. 

Усвоен буџетот на општината тежок над 1 милијарда денари. Денешната седница на охридскиот Совет помина во знакот на усвојување на развојните програми и носењето буџет за следната година. Од локалната очекуваат функционален буџет за 2016, додека пак од опозицијата сметаат дека истиот е неразвоен.

Одговорните лица од здруженијата велат дека ова е еден мал гест за овие лица да се почувствуваат како рамноправни граѓани, но и да ја почувствуваат магијата на престојните празници.

Во наредните два дена 130тина средношколци ќе имаат можност не само да гледаат филмови туку и да ги коментираат истите. Во рамки на проектот Џифони патува, ќе се одржат и три едукативни работилници за средношколците посветени на фотографијата и филмот.

Пратениците во собранието ги изгласаа измените на Законот за додадена вредност, со што ДДВ-то за прометот на електрична енергија кон домаќинствата се намалува од 18 на 5 проценти.

Локалната самоуправа и Црвениот крст од Охрид денес не им подарија само ручек и новогодишно пакетче на дечињата туку им подарија и причина да се насмевнат барем за миг. Градоначалникот Никола Бакрачески на овие семејства им порача дека посакува подеднакви можности за живот и просперитет, а во меѓувреме се обврза да ги помага во рамките на можностите, како досега така и во иднина. Од Црвениот крст од Охрид со желба, секоја наредна година да има се помалку социјални случаи.

Анекс на Колективен договор со кој ќе се овозможи сите здравствени работници со завршено високо образование (медицински сестри, рентген техничари, физиотерапевти, лаборанти, итн.) да добијат додаток на плата, потпишаа денеска министерот за здравство Никола Тодоров и претседателот на Самостојниот синдикат за здравство, фармација и социјална заштита, Љубиша Каранфиловски.

Министерството за транспорт и врски го објави огласот за изработка на идејни решенија. Како можни опции се бараат или изградба на комплетно нова марина кај каналот Студенчишта или надградба и адаптација на градското пристаниште.