За службата оправдано е да наплаќаат за услуги и со нив да ја финансираат нивната техничка опременост, додека пак за советниците од опозицијата, оваа предлог одлука се коси со законите.

Малиот Кирил кој се бори со тешка болест, тумор на мозокот, утре патува на оперативен зафат во Турција. Трошоците за лекување на 11 месечното момче ги покрива Фондот за здравствено осигурување на Македонија, информира за ТВМ, директорот на Фондот Сашо Стефановски.

Кружниот тек на пресек на булевар „Туристичка“ со улица „Македонски Просветители“ добива дополнително естетско и функционално осветлување. Градежните работи, пак , на кружниот тек на пресекот на Туристичка со улица „Абас Емин“, се во напредна фаза.

Тие не овозможуваат доволно информации за нивната работа во пошироката јавност. Во некои инспекторати нема податоци за бројот на поднесени претставки од граѓаните и начинот на нивно решавање. Инспекциите за животна средина да го подобрат отчетот пред граѓаните, препорачуваат од Центарот за еколошка демократија Флорозон во соработка со Институтот за комуникациски студии како дел од кампањата „Разбистри сè“.

Подготвителните, земјените и работите на темелната конструкција за изградба на затворениот пливачки базен траат подолго од предвиденото. Тоа и било очекувано како што изјавија за ТВМ од Агенцијата за млади и спорт бидејќи уште при проектирањето на објектот кога биле извршени геомеханичките истражни работи имале сознанија за квалитетот на земјиштето и состојбата на подземните води на локалцијата кеде отпочна да се гради затворениот пливачки базен во Охрид.

Охриѓани деновиве несебично ја даваат својата поддршка за лекување на малиот Кирил Митрески. Така беше и синоќа во преполнетата сала на ЦК „Григор Прличев“ каде се одржуваше хуманитарниот концерт посветен за него.

На иницијатива на канцеларијата за односи со јавноста, Секторот за внатрешни работи Охрид и граничната полиција регионален центар Запад, ќе се вклучат во хуманитарната акцијата за помош на единаесет месечниот Кирил Митрески од Охрид кој боледува од редок вид на рак на примарниот мозок.

Поради изведување работи на пат со минирање, на патниот правец А2 Охрид-Кичево на делот помеѓу планинскиот превој Пресека и село Врбјани, денес 3-ти март 2016 година ќе има прекин на сообраќајот.