Од Здружението „Стар Лагадин“ денеска пред општината го изразија својот револт затоа што на денешната седница не се најде на дневен ред нивното барање за поништување на општиот акт за село Лагадин со кој се доволува девастирање на овој дел од крајбрежејто и рушење на незаконската градба на хотелот во Лагадин. Градоначалникот порача немаме разидување со барањата на здружението. За хотелот во Лагадин кажа дека се чека конечната одлука на Министерството за транспорт и врски.

Епидемијата на шеќерна болест се шири и кај децата. Педијатрите велат тоа се должи на повеќе фактори меѓу кои лошите прехранбени навики и нарушениот биоритам на живеење. Апелираат на сериозен пристап кон заболувањето на педијатриската фела, општеството, но и едуцирање на родителите.

Од ОК на Вмро Дпмне денеска уште еднаш го повикаа Градоначалникот Стојаноски да го поништи донесеното решение за функционирање на рампите.

Во Охрид денес сончево и топло време со мала до умерена локална облачност. Ќе дува слаб до умерен ветер од северoзападен правец.

Управата ќе го ангажира целиот свој капацитет со цел да спречи непријавување на промет. Целта е да се подигне даночната дисиплина и во сред сезона да не се изрекуваат забрани за обавување на дејност поради неиздавање фискални сметки.

Проектот со редуцирање на сообраќајот и ограничувањето на влезот во стар град со рампи е добро решение и во иднина ќе се работи на негово подобрување, велат од локалната и најавуваат од утре присуство на овластени лица и полиција на рампите. Велат дека го разбираат револтот кај дел од граѓаните и апелираат на смиреност и почитување на сообраќајните прописи и правила.

 Расте интересот за авантуристички туризам во охридскиот регион. Тоа, пак  укажува на потребата од постоење на регионален или национален систем за брзо и ефикасно спасување во ризични ситуации. Охридските волонтери за спасување  само во еден ден примиле два повици за интервенирање што не било случај во изминативе години. 

Бугаринот Јане Петков , денеска во водите на Охридското езеро постави нов светски рекорд за Гинис. Човекот амфибија како што го нарекуваат , исплива  3380 метри, во вреќа , врзан во со ланци. Настанот измина во беспрекорна организација за која се погрижи Црвен Крст Охрид.