Со доделување на  признанија на партнерите и поддржувачите (приватен сектор, институции, волонтери, физички лица,јавни служби и медиумите ) на завршната вечер за 2018 година, која се одржа во големата сала на Општина Охрид, Асоцијацијата за спортови „Спорт за сите-сите за Спорт“ им се заблагодари на сите за искрената поддршка во реализацијата на спортските настани Охрид трчаТ 2018 и Балканското триатлон првенство кое се реализира во партнертсво со Триатлон федерацијата на Македонија.

Големата дупка на патот Пештани-Охрид за која реагираа граѓани во рубриката „Ти си твојот град“ е санирана.

Не престануваат континуираните оштетувања на јавните тоалети поставени во централното градско подрачје. Овој пат насилно се исечени автоматите за влез во јавните тоалети поставени кај малиот плоштад  Т.Ц.АМАМ.

Месец на книгата и во Охрид со мини саем  во библиотеката Григор Прличев. Љубителите на белетристика имаат можност да купат над двеста наслови од домашни и странски автори. Саемот ќе трае пет дена , а  книгите ќе се продаваат со попуст и до педесет проценти.

Во Центарот за јавно здравје Охрид од утринава веќе започна вакцинацијата против сезонски грип.

Во поодмината фаза е проектот на општина Охрид за изградба и поплочување на патеката што води од Саат кулата до старата училишна зграда на ОУ „Св. Климент Охридски“.

Претседателката на општинскиот Совет, Живка Ангелоска и директорката на охридската библиотека „Григор Прличев“, Гордана Змејкоска  денеска во Охрид остварија работна средба со директорката на Народната и Универзитетска библиотека „Св. Климент Охридски“ од Скопје, Сенка Наумоска.

За  почиста и поздрава животна средина и  обезбедување  дополнителни приходи, ЈП „Охридски Комуналец“ постави садови за селекција на отпад.