Полуматурантите кои не успеаа да се запишат во некое од средните училишта во првиот рок утре ќе поднесуваат документи во второ пријавување во јунскиот рок. Во првиот рок најголем интерес за гимназиско образование и медицина. И како во изминатите години , така и за учебната 2018/2019 година, во туристичкиот центар Охрид, нема интерес за струката келнер.

Законот за спречување на нелојалната конкуренција во занаетчиските дејности не заживеа, реагираат од  охридската регионална комора. Иако со последните законски измени се врати можноста за ангажирање на калфите интересот  кај занаетчиите е мал.  Со новиот закон за занаетчиите се уредува финансирањето на коморите со што плаќањето чланарина е задолжително.

На локалниот пат за Велестово потребна е итна санација на поткопан асфалт покрај патот. Лошо завршени градежни работи довеле до поткопување на  асфалтот кој секојдневно полека се уништува. Патниот правец Охрид Велеството беше целосно реконструиран  пред  2 години. 

Заменик градоначалникот на Охрид, Константин Георгиевски денес  имаше протоколарна средба со претставници од  Советот на словенечкиот град Пиран.

Секретарот на општина Охрид Игор Бежоски денеска прими  ветерани од културно уметнички друштва  од бившите југословенски простори кои учествуваа на фестивалот  „Разиграно оро“  што се одржува од 23 до 27 јуни во Охрид.

Денес градоначалникот Јован Стојаноски оствари средба со ополномоштениот амбасадор на Австралија во нашава земја, Џулија Фини.

Владата го утврди текстот на Предлог-законот за заштита од јонизирачко зрачење и радијациона сигурност со кој се уредува системот на контролата на сите извори на јонизирачко зрачење, како и заштитата на населението и околината од изложеност или потенцијална изложеност на јонизирачко зрачење.

Традиционалниот музичко-сценски фестивал “Словенија во Охрид“, синоќа беше отворен на летната сцена на Долни Сарај. Дувачки и тамбурашки оркестри, хорови и мажоретки и 31 фолклорна група со над 800 учесници во наредните денови ќе ја презентираат словенечката музика и игра пред охриѓани и гостите. Амбасадорот на Република Словенија во нашата земја Милан Јазбец, истакна дека оваа манифестација е празник соработката и пријателството кој покрај на словенечки се обрати и на македонски јазик.