Со проекција на документарниот филм „Германија од горе“ вечерва во Центарот за култура „Григор  Прличев“ завршува програмата од десетото издание на „Фестивалот на новиот германски филм“ која беше предвидена за Охрид.

Денес во 12 часот и 30 минути беше почуствуван нов земјотрес во охридско, трет за само три дена.

На Меѓународниот конкурс за компјутерско цртање на тема „Заедно растеме”, Ученикот Филип Ставрески од II -2 одд. од ООУ ,,Кoчо Рацин”-Охрид  го освои третото место.

Од СВР Охрид информираат дека поради постоење основи на сомнение за сторени кривични дела „Пустошење на шума“ и „Кражба на дрва“, полициската станица од Струга поднела кривична пријава против четворица албански државјани.

Со одлука на Регулаторната комисија за енергетика, од ноќеска малопродажните цени бензините ЕУРОСУПЕР БС-95 и ЕУРОСУПЕР БС-98, како и малопродажната цена на ЕУРОДИЗЕЛ (Д-Е V) се зголемуваат за 0,50 денар/литар. Со тоа, малопродажната цена на ЕУРОСУПЕР БС-95 ќе изнесува 67,50 ден/лит, малопродажната цена на ЕУРОСУПЕР БС-98 изнесува 69,50 ден/лит, додека малопродажната цена на ЕУРОДИЗЕЛ (Д-Е V) изнесува 60,00 ден/литар.

Младите девојки и децата најчести жртви на трговија со луѓе. Оваа опасност демне насекаде затоа охридскиот Црвен крст преку едукација на граѓаните прави напори да се намали бројот на жртвите во регионов.

Градинката „Јасна Ристеска“ реализира проекти преку кои дечињата учат на практичен начин. „Бон-тон“, „Градини во детските градинки„, се само дел од нив.

Извидништвото е начин на живот и филозофија, откриваат охридските „бронзени“ извидници.