Израелците повторно се враќаат во Охрид. Од Локалната најавуваат дека наредното лето ќе се воспостават неколку чартер летови со кои ќе пристигнат туристите од Израел. Израелските оператори и туристичките работници покажале голем интерес за Охрид како туристичка дестинација.

Процесот на замена на обичните улични светилки со новите, лед светилки веќе е при крај во селските средини.

Доколку принудно се повлечат пари од сметка, трошоците ќе ги плати самиот обврзник, велат од УЈП.

Од АМСМ ги информираат сите учесници во сообраќајот дека денес сообраќајот ќе биде повторно во прекин поради изведување работи на пат на патниот правец  А2 Кичево-Охрид.

Излезе првата книга во Македонија за тајните на  подводната и хипербарична медицина. Годините поминати во нуркањето како спорт, но и професионалниот ангажман и првите искуства  од работата со хипербаричната комора, биле инспирација, нашиот сограѓанин, истакнатиот доктор Горан Балевски на хартија да го стави се тоа во неговото дело „Подводна и хипербарична медицина“, кое синоќа беше промовирано во Охрид.

На 25.12.2021 година во Струга, приведен е Н.И. (70) од Охрид, кој на улицата „Пабло Неруда” во Струга, го нарушил јавниот ред и мир со агресивен однос кон полициски службеник.

Охридската општа болница пофалена од ресорното министерство дека е лидер во здравството во земјава Пациентите биле задоволни од медицинската нега, условите и комфорот во чекалните, од опремата во болничките соби, од хигиената, болничката храна и од квалитетот на негата пружена од лекарите. Директорот Љубен Арнаудов вели дека и понатаму посветено ќе работат да се покажат во уште подобро светло бидејќи имале капацитет и можности за тоа.

Се известуваат граѓаните на општина Дебрца дека почнувајќи од денес 12.07.2021 година ЈЗУ Здравствен дом Охрид започнува со теренска вакцинација против Ковид 19 вирусот, без претходно закажување.