Охридските млади фризери на Hair Fear 2018  ја покажаа својата креативност и вештина. Три награди завршија во рацете на охридските фризери. Беа прикажани гламурозни и авангардни женски и машки фризури во неколку дисциплини кои се потврда дека сме во чекор со светската мода.  

„Макпетрол“ со кампања, во која ги советуваат возачите, како значително да ја намалат потрошувачката на гориво, а воедно и да ја зачуваат животната околина.

Струшката депонија и понатаму голем проблем за стружани. Тие се скептични дека ќе се реализираат ветувањата на градоначалникот Рамиз Мерко и ќе биде дислоцирана до месец Мај. Решението за овој проблем е изградбата на регионална депонија. Од Министертсвото за животна средина не отстапуваатлокацијата на регионалната депонија да биде во општина Дебрца. Но, жителите на оваа општина на референдум рекоа НЕ за депонија во нивниот атар.

Продолжува штрајкот во ЈП Комунално Струга.

Најчеста причина за трпење на семејно насилство е економската немоќ, велат од женскиот центар „Бисера“.

Околу 100 правни и физички лица бараат оштета од државата поради претрпените штети од силниот ветар и невремето кое го зафати Охрид минатиот викенд. Комисијата за  проценка на штети од елементарни непогоди постојано е на терен и врши проценка на пријавените оштетувања. Републичката Комисија за проценка на штети ќе одлучи дали и во колкав процент ќе бидат обештетени субјектите и дали ќе добијат оштета и за оние делови кои биле нелегално изградени.

Македонија и актуелната Влада, треба да преземат сериозни мерки во борбата против сиромаштијата е заклучокот на претставниците од ЕУ.

На патниот правец Охрид Св. Наум има одрони на коловозот. Од Македонија пат ветија дека ќе го решат овој проблем