Сеуште немаме официјални податоци за бројот на туристите кои ова лето го посетија Охрид. Според некои неофицијални податоци оваа сезона била поуспешна од минатата. Хотелиерите велат дека кај нив бројот на гости ова лето бил за 30% повисок од минатото. Но нема податок колкав е финансискиот бенефит од тоа.

Во Македонија се произведуваат млечни производи кои можат да обезбедат сигурен и добар пласман надвор од нашата земја. Но истите треба да се брендираат и да се произведуваат во многу поголеми количини кои би ги задоволиле светските пазари, сметаат експертите за земјодеслки науки и храна.  За жал нашата земја сеуште е увозно зависна од млеко и млечни производи.

Стартуваше летниот режим на сообраќај на територијата на Општина Охрид, за што е поставена соодветна сообраќајна сигнализација на улиците каде што е воведено еднонасочно движење на возилата.

Стариот бабин рецепт за сушење овошје станува се поактуелен. Земјоделската фирмата Агриком започна со производство на сушено јаболко кое е органски произведено.Ваквата храна гледано од нутриционистички аспект е многу поздрава и ги задржува сите витамини и сокови. Европа се повеќе ја користи а скромно започнува да се пласира и кај нас.

Општина Охрид денес во големата општинска сала одржа свечена седница по повод одбележувањето на 11 октомври, денот на народното востание. Присутните гости ги поздрави заменик градоначалникот Ангел Јанев, предавање одржа Бобан Блажески, професор по историја. Годинава немаше обраќање на претставниците од Сојузот на борци и продолжувачи на делото од општините Охрид и Дебрца.

Сладок сувенир за гостите кои ќе го посетат Охрид. Слаткото од охридски цреши туристите ќе можат да си го купат и да си го понесат со себе. Ова е идеја на некои професори од Факултетот за земјоделски науки и храна кои сметаат дека што поскоро треба да се брендира охридската цреша.

Универзитетот за информатички науки и технологии „Свети Апостол Павле“ Охрид ги информира сите заинтересирани кандидати дека Конкурсот за запишување на постдипломски студии во првиот уписен рок во академската 2015/16 година е отворен до 16 октомври.

Што се однесува до можноста од постоење на црн пазар на отпадно масло на кој живинарски фарми го купуваат а потоа го мешаат во храната за живина од агенцијата со одговор дека нивните инспекциски служби ги контролираат единствено поголемите комерцијални фарми за животни. Кај нив не била забележана таква појава.