Планот за управување со Охридскиот регион, дивоградбите, еколошките проблеми и туризмот беа главни теми на кои дискутираат челниците на Охрид, Струга и Поградец.

На градскиот плоштад денес вриеше како во кошница. Децата од охридските основни училишта со низа активности дадоа свој придонес кон одбележувањето на Светскиот ден на здравјето. Нив на едно место ги собра ОО на Црвен Крст Охрид, Локалната Самоуправа и Секторот за внатрешни работи.

Јавното претпријатие Проаква, Р.Е. „Водовод“, не може да го реализира проектот за замена на водомерите со нови електронски за далечинско отчитување. Од започнувањето на овој проект пред неколку години само станарите на една зграда во Охрид добиле нови водомери. Од Водовод велат дека проектот е добар но ќе почека подобрување на финансиската моќ на Проаква.

Од неодамна МЈП Проаква Р.Е. Водовод Охрид воведе електорнска достава на фактурите за правни лица.

Здружението за заштита, помош и вдомување на животни „Анималиа“ алармира за континуирано труење на бездомни кучиња кое според нив е особено забележливо во Пештани. Додаваат дека ваквиот чин е строго забранет и казнив според кривичниот закон.

Велигден весело се одбележа на одделението за геронтологија при општа болница Охрид. Нашите иселеници од Мелбурн, Австралија штитениците од ова одделение ги почестија со  празничен ручек.

Се поизвесна е изградбата на нов павиљон од геријатриското одделение во Охрид. Со ова ќе се реши долгогодишниот проблем на градов но и на регионов бидејќи сега на геријатриското одделение во Охрид се згрижуваат пациенти и од Струга, Кичево и Ресен.

Во рамките на проектот „Сакај го Охридското Eзеро-единствено е во светот“ имплементиран од невладината организација „Нова Порта“ во рамки на Годишната програма за заштита на животната средина и природата на Општина Охрид, изминативе два месеци беа реализирани бројни активности за подигнување на еколошката свест.