Станува збор за две противпожарни возила марка ФАП 13 14 кои веќе извесно време се надвор од употреба на ТППЕ Охрид , но својот живот ќе го продолжат во противпожарното одделение во рамките на ЕКО ФАП каде во добро и лошо и понатака ќе служат на граѓаните.

Авторскиот проект на големиот режисер Паоло Маџели, „Његош и јас“, пред публиката на Охридско лето. Оваа нетипична претстава е еден вид на патување низ сеќавањата на Паоло, од деновите кога за прв пат пристигнал во Црна Гора. 

Патниот правец Охрид -Битола ќе почне да се реконструира.

Разурнатиот ѕид на црквата Св. Богородица Болничка, МПЦ засега не планира да го врати во првобитната состојба, иако пред две години со решение на инспекциските служби на Управата за културно наследство тоа им беше наложено. Како што велат од Дебарско -кичевската епархија, од наесен планирале да преземат активности во овој дел.

Улицата “Коста Абраш“ опасна по безбедноста на пешаците. На тротоарите пред рестораните „Александрија“ и „Чун“ поставени се маси и столици па пешаците мора да се движат по коловозот. Тие прашуваат како Локалната дозволила поставување урбана опрема на двата тротоари. Се поставува и прашањето каде е сообраќајната полиција и нејзиното стручно мислење и насоки при носењето на вакви решенија од страна на локалните власти, а кои се однесуваат на безбедноста во сообраќајот.

„ Коси од розева волница“ е најдобриот расказ на конкурсот „Живко Чинго 2014“.

Нема пријави за корупција на телефонската линија во Локалната самоуправа на Охрид. Но овој факт не значи дека корупцијата во институциите  ја нема, велат од ТИ-Македонија. Според нив охриѓани најмногу се жалат на постоење мито и корупција во здравството и судството, како и пријавите кои се поврзани со работни односи, образование, инспекции и даноци.

Со креативна и модерна анимација, во која се опфатени почетоците и предизвиците на „Охрид трчаТ“, организаторите го најавувуваат јубилејното петто издание на Атлетската манифестација, која ќе се одржи од 4 до 6 јуни во Охрид.