Нов режим на сообраќај во центарот со  оформувањето на кружниот тек.

Од Секторот за комунални дејности,сообраќај и улици  при општина Охрид  информираат  дека на ден 1.11.2015 година(недела), поради премин кон новиот режим на крстосницата помеѓу булевар „Туристичка“ и ул.„Македонски просветители“ семафорскиот систем ќе биде  надвор од употреба и моторниот сообраќај ќе отпочне да се одвива по новиот кружен тек.

Од изградбата на новиот хируршкиот блок на Општата болница во Охрид, во мај 2013 година заклучно со јуни годинава, се згрижени 89.594 амбулански пациенти и 6.817 болнички пациенти, информира директорот на оваа јавна здравствена установа Љубен Арнаудов.

Во организација на Секторот за ТЛЕР и неколку истакнати охридски хотелиери, синоќа во х.Ривиера, градоначалникот Никола Бакрачески имаше работна вечера со претставници на италијански тур-оператори и туристички агенции и гости, кои претстојуваат во Охрид.

Започна да се гради речното корито на  улица Ариф Мустафа. При обилни врнежи каналот беше критична точка и ги поплавуавше домовите на жителите. Каналот според планот треба да биде завршен за 120 дена.

Во црквата „Света Софија“ синоќа се одржа концерт во рамките на проектот „Подиум на млади“ на „Охридско лето“. Пред фестивалската публика настапија младите уметници, обоистот Андреј Петрески од Република Северна Македонија и пијанистот Александар Хаџиевски од Република Србија.

Студентите од факултетот за туризам и угостителство покажуваат се поголем интерес за користење на Еразмус плус програмата мобилност. Во моментов таа можност ја користат  6 – мина студенти. Интенција на ФТУ е што повеќе студенти да го  искористат максимумот за престој  на некој од странските универзитетети за да стекнат што повеќе искуство.

Малите продавници и маалските дуќанчиња во целост не го почитуваат Законот за алкохолни пијалоци. Кај нив може да се затекнат отворени фрижидери со алкохолни пијалоци и после 19часот. Има одредени продавници каде се продава алкохол без лиценца за негова продажба. Општинскиот пазарен инспекторат врши редовни контроли и ги санкционира прекршителите.