Фреските во Св. Богородица Перивлепта полека ама сигурно го добиваат својот некогашен сјај. Десетина конзерватори од земјава и двајца експерти од УНЕСКО секојдневно работат на овој сложен проект. Ќе се прави и конакот на црквата, а целиот проект треба да заврши до наредната година.

Нарушен јавниот ред и мир во казино во Охрид, тепачка во автокампот „Градиште“, помор на риба во рибник кај месноста Речица. Погледнете го најновиот СВР Билтен.

Центарот за култура Григор Прличев има потреба од поголем простор. Се чека одговор за решавање на потребите од нова театарска сала и галериски простор. Потреба има и  од поекономично  затолувње  на објектот  во зимските месеци. На потег е ресорното министерство за култура со избор на начинот на решавање на проблемот дали  ќе се прошири, догради  или ќе се изгради нов објект.

Главната сообраќајна артерија на Охрид булеварот „Туристичка“, со тротоари во лоша состојба, дупки и крпеници од бекатонки и асфалт. Охриѓани, од градската власт или од надлежните за оваа сообраќајница, бараат квалитетна санација на овој прометен пат, пред се, заради заради безбедност на сите учесници во сообраќајот.

Поради постоење основи на сомнение за сторено казнено дело „неовластено производство и пуштање во промет на опојни дроги, психотропни супстанци  и прекурсори“ полициската станица од Струга поднесе кривична пријава против К.Х.(30) од Измир Република Турција.

Учениците кои се дел од ликовната секција од ова основно училиште деновиве пристапија кон акција за разубавување на средината во која минуваат добар дел од денот.

Доколку временските услови ги послужат, од Секторот за комунални дејности, сообраќај и улици велат дека целосното асфалтирање наскоро би било завршено.

Семејството Илбер кое требаше деновиве да биде иселено од бараката во која живее веќе петнаесет години, а за што ТВМ во неколку навратти информираше, засега останува во својот дом. Директорот на Агенцијата за стопанисување со станбен и деловен простор, Цветко Грозданов вели дека ќе имаат одредена толеранција додека семејството не се снајде каде да се смести, но додава дека ова е само привремено и дека треба да се изнајде целосно решение за овој проблем.