Денес свечено беа пуштени во употреба новите реновирани училници во ОУ „Братство Единство“. Средствата ги обезбеди менаџерскиот тим на училиштето, со аплицирање за финансиска помош од Проектот на УСАИД, поддржани од Локалната самоуправа и родителите. Финансиската поддршка од околу 27 000 долари се од проектот за меѓуетничка интеграција во образованието. И градоначалникот Бакрачески и директорот Доко задоволни од постигнатото.

Меѓународниот нуркачки инструктор, Милутин Секулоски, заедно со неговите колеги од нуркачкиот центар Амфора и Енрик Мато од нуркачкиот клуб „Драгој“ од Поградец и официјално го пренурка албанскиот дел од Охридското Езеро.

По повод меѓународниот ден на танцот – 29 април студиото за танц СОНАТА од Охрид со почеток во 12:12 ќе организира флешмоб на градските плоштади во Охрид и Струга, како и во училиштето Јахја Кемал во Струга.

Лагадинци не сакаат медитеранска плажа.

Со подобра комуникација помеѓу понудата на работа и побарувачката до зголемување на бројот на вработувања, велат од ФТУ -Охрид. На отворените „ Денови на кариера“ кои од денес се одржуваат во факултетот дипломираните и активни студенти на ФТУ и компаниите од областа на туризмот имаа можност да се сретнат и да ги споделат своите искуства.

Холанѓаните ја отворија новата туристичка сезона.  На аеродромот „Свети Апостол Павле“ претпладнево пристигна првата група холандски гости преку туроператорите „Корендон“ и „Фибула Ер Травел“.

Поради изведување на градежни активности (минирање) на патниот правец А2 Кичево-Охрид, на делницата Пресека-село Врбјани, денеска ќе има прекин во сообраќајот од 15-20 минути, во периодот помеѓу 12:00 и 15:00 часот, информираат од АМСМ.

Празник за бармените во Охрид. Денес 30 натпреварувачи од земјава се борат за титулата Бармен на Македонија 2015. Најдобрите 12 ќе ја претставуваат нашата земја на Светското првенство во бармени кое ќе се одржи во Софија Бугарија. Вискито е одлична состојка во дел од светски познатите коктели Менхетен, Олд фешн и тоа се мешало уште пред 200 години, така треба да се надминат стереотипите дека вискито се пие чисто, порачаа организаторите на овој голем настан, Здружението на бармени на Македонија.