25 млади дами од повеќе земји ќе стекнуваат лидерски вештини на втората по ред Сороптимист лидерска академија за жени. 

Од „Кардиолошко“ апелираат за почитување на препораките за изложување на сонце, но и пиење на течности, престојување во затворени и разладени простории.

Пожарот на Галичица изгаснат, но сеуште будно се следи состојбата на терен. Подетални информации за пожарот, но и за тоа каква е состојбата денеска на теренот од Националниот парк Гачличица не добивме. Не чуствуваа потреба да ја информираат јавноста преку нашиот медиум.

Почна акцијата за санирање на ударните дупките низ охридските улици. Покрај што ќе се асфалтираат оштетувањата на коловозите, со асфалт ќе бидат заменети и привремените бекатонски крпеници, кои подолг период Локалната сампоуправа на Охрид ги користеше како единствено решение. Санацијата на ударните дупки треба да биде готова за три дена.

Во рамките на засилените контроли на даночниците кои се спроведуваат редовно во екот на летната сезона, во два деловни објекти во Битола и осум во Охрид откриени се неправилности во финансиското работење, односно неевидентирање на прометот во готово и не неиздавање на фискални сметки, поради што истите “заработија” парична глоба и мерка времена забрана за вршење на дејност од 15 дена.

Охрид се полни со туристи само за викенди. Најбројни се гостите од Полска и Украина, иако беа масовно најавувани засега мал е бројот на посетители од Србија. Туристичките работници се загрижени од последната одлука на Владата на Полска која воведува карантин за граѓаните кои патуваат во земји надвор од ЕУ, без разлика на тоа што Македонија е впишана на листата безбедни дестинации.

Се известуваат граѓаните кои одгледуваат пчели на подрачјето на општина Охрид   и Дебрца дека во  ден  22.07.2015год (среда) во координација  со  Министерството за здравство на РМ   ќе  се спроведе авионска  адултна  дезинсекција против комарци.

Избувна пожар на планината Петрино, над трафостаницата 110, кај местото викано Мечкина дупка. Екипи на противпожарната единица од Охрид се на терен како и екипи од НП Галичица, од Црвен крст и граѓани. Пожарот засега е ставен под контрола. Причините за неговото настанување допрва ќе се утврдуваат.