Општина Охрид ќе ја субвенционира уплатената туристичка такса од приватните станоиздавачи 100%. Услов за да се добијат субвенциите е тие да се  инвестираат во осовременување на сместувачки капацитети и подобрување на квалитетот на приватното сместување.

Блок дотациите во образованието не ги задоволуваат потребите на општина Охрид. Советничката група на ВМРО НП на последната седница реагираше дека владата перманентно уште од минатата година ги намалува средствата кои се однесуваат на средства за греење и превоз на ученици во основното и во средното образование кои како блок дотации доаѓаат во општина Охрид. Советникот Јоне Станкоски вели дека за 4 и пол или 5 милиони денари се намалени средствата на општина Охрид, кои и се потребни за нормално да функционира образованието.

Не е пробиен законскиот рок за избор на директор во Основното училиште „Христо Узунов“, уверуваат од Општина Охрид.

Со скратени часови започна второто полугодие за учениците од струшкото училиште Јосип Броз Тито. Поплавата што се случи пред зимскиот распуст е причина за оваа одлука бидејќи во училниците сеуште има влага. Формирана е дисциплинска комсија која утре ќе се изјасни кој е виновен за предивиканата поплава во училиштето. 

Најсериозна закана за студенчишкото блато е урбанизацијата. Тоа е само една од многуте закани за трајно изчезнување на ова значајно природно богатство. Експертите за оваа проблематика сметаат дека најдобро решение за заштита на остатокот од блатото е тоа да добие правна рамка.

Објектите од јавен интерес, како пазарите, автобуската станица и катните гаражи ќе се менаџираат со јавно-приватно партнерство. Плажите пак, ќе се даваат под краткорочен закуп, заедно со времените објекти и урбаната опрема.

„ Завој, корени, стебла и обичаи“ е монографија за народното битие од ова охридско село. Авторот Ѓорѓи Трпчески од заборав ги зачувал историските податоци за населбата, жителите и обичаите. Станува збор за прво, подетално пишано дело за селото Завој кое ќе биде основа за следните истражувања на идните генерации.

5 и 6-ти февруари се денови кога се чевствува името и делото на големиот македонски преродбеник и писател од 19 век – Григор Прличев. Во негова чест библиотеката Григор Прличев, завод и музеј, основното училиште и центарот за култура Григор Прличев, во координација со општина Охрид и подржани од Министерството за култура, организираат низа манифестации.