Во Горна Влашка маала отворен современ комплекс Св. Георгија. Во него функционира реномираната  стоматолошка  ординација по општа пракса д- р Баткоски. Но, сега надополнета со најнова стоматолошка опрема  работи и специјалистичката ординација по ортодонција.

Граѓаните со амин на коалицијата на охридските советници во наредниот период ќе добијат повисоки сметки за вода, канализација, па дури и за дел на комунални услуги. Советниците на ВМРО – ДПМНЕ, сметаат дека позади ваквите одлуки стои полутаен заговор за продавање на МЈП „Проаква“.

Иван Лотески најсреќен од стотината капачи кои денес запливаа во ладната езерска вода со желба да го фатат Светиот крст.

Охридските епидемиолози очи в очи со родителите за да ги разубедуваат во нивните предрасуди за ХПВ вакцината. Стручните лица ги убедуваат родителите во исправноста и безбедноста на ХПВ вакцината и нејзиниот позитивен ефект во спречување на ракот на грлото на матката  чиј предизвикувач е ХПВ вирусот.

Еден од најголемите празници во српскиот православен календар прославен со традиционално читање на песни за Свети Сава, но и со богата трпеза. За организацијата на оваа прослава повторно се погрижија од српско-македонското друштво „Коштана“.

Со вредна донација на Ротари клуб Охрид, беше овозможено да се обнови осветлувањето во централниот објект на детската градинка „Јасна Ристеска“. Ротаријанците 2018 година ја посветуваат на децата во градинките.

Невообичаено четириесет и второ издание на седницата на совет на Општина Охрид. Некаде на половина од седницата, советничката група на ВМРО-ДПМНЕ демонстартивно ја напушти општинската сала поради несогласување со некои од точките кои беа на дневниот ред.

Пропаднаа во вода шпекулациите дека во Охридските основни училиште на директорската фотеља ќе седнат староновите директори.  „Во Општинското Основно Училиште, Григор Прличев конкурсот е завршен, постапката е во тек и согласно законот и комисиската расправа, како и одлуката на училишниот одбор, градоначалникот ќе треба да се произнесе деновиве, по предлогот од Училишниот одбор“, вели претставникот од секторот за образование при локалната самоуправа, Серафим Наумовски.