Во строгиот центар во Охрид, во близина на чинарот утрово се прелеваше шахта, од која се ширеше неподнослива реа. Екипите на ЈП „Нискоградба“ информираат дека веќе го санирале дефектот.

Значаен јубилеј 65 години од постоњето, денес одбележаа охридските пензионери. По тој повод тие во големата општинаска сала одржаа пригодна свеченост, со богата програма. На свеченста присуствуваа гости од  Србија и Бугарија како и гости од ЗП на соседна Струга.

Околу стотина граѓани на Охрид, но и холандски туристи, на плоштадот Крушевска Република, го измерија крвниот притисок, нивото на шеќер и холестерол во крвта. Медицинските тимови велат дека се задоволни од одзивот на граѓаните.

Иако, службите на Комуналец работат деноноќно на подигање кабаст, зелен отпад и градежен шут во сите делови на градот, не можат да се справат со хигиената во јавната чистота од несосвесните граѓани и сопственици на викенд станови. До ТВМ секојдневно пристигнуваат слики од кои се гледа граѓанската некултура  и ниската еколошка свест.

Локалната самоуправа се потранспарентна за граѓаните. Денес Градоначалникот Никола Бакрачески заедно со неговиот тим организираа средба со охриѓани кај некогашна Летница. Граѓаните можеа да си ги кажат своите проблеми на еден спонтан и непосреден начин.

Тротоарите покрај самиот кеј на езерото на улицата „Коста Абраш“ и оваа летна туристичка сезона окупирани со маси и столици.

Граѓаните се жалат дека градежните активности на кружниот тек на пресекот на ул „Бистрица“ со бул „Туристичка“ се стопирани. Од Фондот за комунален развој, улици и патишта при локалната велат дека работите на терен нормално течат и градежните зафати се при крај.

Капаците од електричните столбови од јавното осветлување во Охрид, повторно мета на вандали. Досега не е откриен ниту еден сторител на вакво дело. Од Фондот за Комунален развој сообраќај и патишта при општина Охрид апелираат за совесност кај граѓаните.