Ковид болницата во Охрид е делумно оптоварена со пациенти, ова е оценката на здравствените власти. Првиот човек на Општа болница моменталната состојба во здравствената установа ја оценува како стабилна. Хоспитализирани се 37 пациенти од кои 8 се вакцинирани против Ковид 19.

Заштита на земјодеското производство, но нудење на здрава храна без остатоци од пестициди. Ова е основната цел на современото земјоделско производство кон која треба да целат сите производители. 36-то советување за заштита на растенијата во Република Македонија на едно место ги собра експертите од земјава, но и од регионот. Целта едноставна, решавање на заедничките проблеми од регионот на заеднички начин.

Поради нефункционирање на лифт, станарка од социјалната зграда штрајкува пред охридската подружница на Акционерското друштво за стопанисување со станбен и деловен простор.

Министерството за транспорт и врски даде согласност за урбанистичкиот план на просторот на касарната. Сега на ред се советниците кои веќе на наредната седница ќе  се произнесат за овој комплекс кој се протега на  230.000 квадрати.

Во комплексот Кам Вилиџ отворен хотел. Хотелскиот објект е со 4 ѕвезди и располага со 39 соби. Во рамките на комплексот работи и ресторан  со прилагодени цени за  семејни ручеци и вечери.

Регионалната занаетчиска комора од Охрид доби нов претседател. Стариот очигледно незадоволен од случувањата, ја избрка нашата новинарска екипа од овој јавен настан. Сепак ништо не влијаеше врз нормалниот тек на изборот со кој Сашо Богоески стана нов претседател на занаетчиската комора. Покрај претседателот беа избрани и нови членови на управниот одбор.

Охрид пред прагот за влез во долгоочекуваната втора фаза на децентрализација. Но со десна нога зачекори ОК на ВМРО – ДПМНЕ, бидејќи одлуката за влез, Владата прво им ја соопшти нив, забележува Петрески.

Намален бројот на членовите во управните и надзорните одбори на охридските ЈП. Тоа е со цел да се намалат трошоците за исплаќање на паушали, појаснува координаторот на советничката група на СДСМ, Константин Георгиевски. Денес се одржа четвртата седница на Совет на која беа именувани новите членови на управните и надзорните органи на ЈП во градов. Опозицијата ја бојкотираше седницата.