Рано е да се зборува за откуп или закуп на социјалните станови во Охрид. Министерството за една година ќе даде насока како ќе се решава правото на користење на становите.

Ова беше еден од заклучоците на денешниот седми по ред состанок на градските татковци.

Од државниот завод за статистика нема комплетни податоци како помина туристичката сезона. Моментално оценките за тоа какво лето имавме во поглед на гостите кои го посетија Охрид се темелат на податоците од општинскиот инспекторат.

Денес во просториите на општина Охрид ќе се одржи седница на Советот на градски татковци.

Пчелари од Охридско и Дебрца алармираат за помор на пчели. Се сомневаат дека штетите настанале поради несовесно користење пестициди. Секоја година, се случуваат труења на пчелите поради хемиски препарати и неправилни, не едуцирани прскања против болести и штетници во земјоделството. Оваа година ќе има намалени приноси на мед, но ако се земе предвид дека 80 % од опрашувањето на растенијата го врши пчелата, со нејзино труење директно се влијае врз намалување на приносите во земјоделието.

Учениците од Младинската заедница при ОСУ „Св. Климент Охридски“ – Охрид, организираа хуманитарна акција за помош на семејствата од поплавените подрачја низ Македонија. Се собираа прехрамбени продукти, средства за хигиена и вода за пиење.

Неодложна репарација, реконструкција и надоградба на колекторскиот систем е спас од поплавите со кои години наназад се соочуваат жителите на делови од Охрид и Струга последните неколку години, изјави охридскиот градоначалник Никола Бакрачески. Локалната Самоуправа задедно со Владата прави напори да изнајде средства за таа капитална  инвестиција која според веќе направените проценки на експертите би изнесувала околу 60 милиони евра.

Продолжува праксата на Локалната самуоправа ударните дупки низ охридските улици да ги крпат со камени плочи.