Има ли опасност од излевање на Слатинското езеро поради најавените обилни врнежи од дожд. Од Центарот за управување со кризи смируваат дека нема реална можност за тоа, но сепак будно ќе ја следат состојбата на терен.

Дејан Блажески претседателот на ЛДП од Охрид деновиве добил  прекршочна казна во висина од 33 000 денари од Државната комисија за спречување на корупција за непријавен имот.  Тој тврди дека неговиот имотен лист е празен, не поседувал недвижност, а нивата која според комисијата не ја пријавил, била на име на неговиот родител. Ова Блажески го смета како пресметка на власта со неистомислениците.

Клубот годинава се поднови со простории што ќе им го олесни функционирањето. Брег на младоста брои 200 млади членови и околу 100 ветерани а од вчера нивен почесен член е и внукот на Тито, Јошка Броз.

 На Охридското  езеро сод албанска страна се рушат хотели  на македонската ќе се градат.

Поголем дел од успорувачите на брзина на територијата на општина Охрид се уништени. Тие се мета на вандалско однесување на несовесни поединци. Од Локалната прават напори истите да бидат санирани и апелираат да се престане со нивното уништување поради безбедност на сите учесници во сообраќајот.

Едно од филмските остварувања кое годинава ќе биде подржано од „Агенцијата за филм на Република Македонија“ е  приказна на охридскиот млад режисер Илија Пиперкоски.

Висока делегација од водечкиот туристички центар Далијан од НР Кина, денес во посета на Охрид. Ова претставува возвратна посета, предводена од заменик градоначалникот на Далијан, претставници од бирото за развој на туризмот и три бизнис делегации. На средбата беше потпишан меморандум за соработка на полето на туризмот, од кој документ како што изјави градоначалникот на Охрид очекува голем број туристи од Кина да го посетат Охрид и другите туристички места во земјава.

Охриѓани се помалку се жалат на работата на државните службеници, тврди  секретарот на општината Спасески.