Тие освоија  максимален број на поени во двете  категории бела рибна чорба и рибен паприкаш.  За  подготовката на автентичен охридски начин на рибна чорба  користеле мавровска пастрмка и икра од белвица, а за рибниот паприкаш користеле  охридски крап.

Едно лице се здоби со тешки телесни повреди, односно со повеќе убоди во пределот на стомакот, левата рака и лицето во тепачка случена во домот на 30- годишен охриѓанец на улицата „ Радојца Новичиќ “.

Од МЈП „Проаква“, РЕ Водовод информираат дека утре во периодот од 8-13 часот ќе има прекин во водоснабдувањето на потегот од Свети Стефан, од „Орце Николов“ до хотелот „Гранит“.

Утре, во просториите на Факултетот за туризам и угостителство со почеток во 12.30 часот ќе бидат промовирани рачно изработениот накит од бисер и филигран, спакована традиционална храна и рачно изработен бакар во рамки на проектот „Младите како носители на културата, традицијата и знаењето во општина Охрид“.

Сашо Василевски, пратеникот во Парламентот на РМ од Охрид вчера е избран за претседавач  на Интерпартиската парламентарна група за правата на лицата со посебни потреби, која беше формирана вчера во Собранието на Република Македонија.

25 вработени во ЈП „Комуналец“ моментално се на принуден одмор. Директорката на „Комуналец“, Елена Скрческа објаснува дека тоа не е резултата на финансиската состојба во кој асе наоѓа претпријатието туку е дел од програмата за принуден одмор која претпријатието ја спроведува веќе петта година по ред.

Одговорно и должно постапување, интензивна соработка и координација заради превенирање и спречување на семејното насилство и обезбедување на жртвите, договорија претставниците на СВР Охрид, на центрите за социјални работи од Охрид и Струга, на основните јавни обвинителства од Охрид и Струга,на општина Охрид како и претставниците на невладините организации од Охрид и Струга, на вчерашната работна средба на тема „Превенција на семејното насилство-привремени мерки за заштита и нивна примена“.

Учениците кои го завршуваат средното образование и се пријавени за државната матура, утре од 10 часот ќе го полагаат првиот екстерен испит – мајчин јазик, кој е задолжителен за сите 15 294 кандидати колку што се пријавени за матурата во оваа учебна година.