Пластичните предмети да се заменат со  бови при пуштање на  кајчината в езеро, предлог иницијатива на УЗ Стар град. Станува збор за многу мала инвестиција , велат од Капетанија. Тие напоменуваат дека  немаат инструмент да им наложат на граѓаните да не користат пластични предмети туку дека тоа е работа  на нивна добра волја и на чувството за етика.

Со кошарка до средства за најранливата категорија Охриѓани. Во СРЦ Билјанини извори се одржа Хуманитарен баскет, во организација на Унијата на млади сили на ВМРО ДПМНЕ и ОО на Црвениот крст.

Трговската размена помеѓу Македонија и Русија бележи значителен напредок. Главна точка на интерес е македонското земјоделско производство кое се одликува со исклучителен квалитет. Неговиот продор на рускиот пазар дополнително ќе биде олеснет со пристапувањето на Руската федерација кон Светската трговска организација кое треба да се случи во блиска иднина.

Факултетот за туризам и угостителство се подновува. Извршена е замена на дограмата на еден дел од старата зграда, а моментално се вршат зафати на промена на кровот. Ова се прави со пари од Министерството за образование. За наредната година се очекува да добијат дополнителни средства со кои ќе се смени целокупната дограма и ќе се реновираат предавалните.

Најавеното заладување од следната недела, ја носи и вакцинацијата против сезонскиот грип. Паралелено ќе се реализира и вакцинацијата на сите оние кои заминуваат на аџилак.

Над 900 медицинари од земјава и странство, деновиве ги исполнија охридските хотелски капацитети. Тие се учесници на петтиот конгрес на здружението на педијатрите на Македонија, кој се одржува во Охрид.

Денес  православните верници го празнуваат Св.  Архангел Михаил. Бројни  верници го посетија единствениот охридски храм во Кошишта посветен  на овој светител. Св Архангел Михаил на многу охридски  семејства е заштитник и домашна слава, а и именден на луѓето кои го носат неговото име.   

Период за назначување на директори. Изборот на Локалната власт за директорските позиции се врши по теркот на добро проверени и докажани кадри, кои пред се законски ја исполнуваат обврската за можност да седнат во директорските фотељи.