Братоубиецот од Охрид кој пред помалку од една година беше осуден со казна доживотен затвор, сега ќе отслужува казна затвор во времетраење од 20 години.

Лидерот на Обедината за Македонија Љубе Бошкоски во посета на Охрид каде што  го отвори политичкиот штаб. При тоа се сретна со приврзаниците  на партијата. Тој порача дека Обединети  за Македонија  е  партија која има мисија  да го поврзе  и обедини македонскиот народ.

Верниците и жителите од туристичката населба Лагадин   го одбележаа празникот посветен на великомаченичката Софија и нејзините ќерки Љубов, Вера и Надеж.

Промените почнаа. Кадровската политика на ВМРО – ДПМНЕ за промена на кадри во Охрид, започна од Библиотеката „Григор Прличев“. Александра Белеска е нов директор на оваа установа на местото на Тоде Илиевски чии што мандат беше пред истек.

Варошани  не можат да интeрвенираат на семејните куќи заради старите ДУП планови. Тешко добиваат одобренија за било какви градежни интервенции. Во одредени делови од стар град има потреба од поправка на  калдрмата која се уништува од тешките товарни возила, посочуваат од урбаната заедница. Варошани бараат институциите да ги решат нивните комунални потреби. 

Општа слика која се прикажува за образованието во Македонија е дека квалитетот на истото е драстично намален. Сепак, дополнителни истражувања се потребни за да се утврди дали ова е навистина точно, велат експертите.

Од утре стапува на сила одлуката за намалување на периодот во кој е дозволено купувањето на алкохолни пијалоци. Временскиот интервал за купување на алкохол во текот на летните месеци беше продолжен до 21, а со оваа одлука повторно се враќа на 19 часот.

Малиот процент на решени барања во втората фаза од примената на Законот за третман на бесправно изградени објекти е индикатор дека постапката за легализација во Охрид оди бавно. Во втората фаза од примена на Законот за третман на бесправно изградени објекти, Локалната самоуправа на Охрид одговорила само на 4% од доставените барања за легализација.