Ловци од охридското здружение деновиве одстрелале неколку  волци. Волците биле забележани во  населени места и во ловиштата за крупен дивеч во Брежани и Завој. Појава  на волци кои во зима во потрага по храна се спуштаат во градот имало и порано.

Висината на долгот на општината засега не е информација за јавност, рече градоначалникот Јован Стојаноски. Тој кажа дека долгот секојдневно расте и се изнаоѓаат механизми како да се намали. ПОкрај финансискиот долг проблем е и материјалниот долг, потенцира градоначалникот.

Најкритичните точки, не би требало да претставуваат проблем бидејќи на нив е веќе интервенирано, уверуваат од локалната. Се чека само подобрување на временските прилики.

Сметководителите пред свршен чин поради измените во поднесувањето на годишните сметки. Рокот е одамна познат. 29-ти Февруари е датумот до кој годишните сметки мора да бидат поднесени во Централниот регистар, но и даночните биланси во Управата за јавни приходи. Ако сметководителите не го испочитуваат овој рок, може да се соочат со ригорозни санкции.

Инкасторите од Водовод Охрид, деновиве ќе се соочат со поголем обем на работа. Управниот одбор на ова претпријатие ја укина опцијата „Сам плаќа“, а донесе нова, односно проверка на сите броила кај корисниците на услуга со цел усогласување на реалната состојба која корисникот треба да ја подмири.

Наместо физичко – математика или македонски. Родителите чии деца учат во ООУ Григор Прличев реагираат дека нивните деца наместо час по физичка култура, многу често имаат друг предмет.

Поради сегашните и најавените  снежни врнежи , Локалната самоуправа  ги предупредува граѓаните , моторните  возила веднаш да ги тргнат од тротоарите и улиците.

Отчет пред граѓаните по изминати 100 дена од назначувањето на градоначалникот Јован Стојаноски. Градоначалникот кажа дека иако времето е кратко, а и периодот во кој беше назначен бил турбулентен заедно со неговиот тим успеале да реализираат некои проекти од суштинско значење за градот.