За помалку од еден месец треба да биде реализирана идејата за одржување на кајак маратон во водите на Охридското езеро. Финансиите, повторно најголемиот проблем.

На ФТУ започна циклус курсеви по готварство за повртаници од странство и за невработени лица. За неколку дена ќе следуваат и обуки за пекари, баристи и бармени. Проектот има за цел стекнување  дополнителни вештини од неколку области од угостителството преку преквалификации.

Жителите на Орман се приморани секојдневно да живеат со непријатна миризба и остатоци од фекалии. Проблем прави стадо од околу стотина овци. Нивниот сопственик секојдневно ги води на пасиштето во месноста Блато за кое има склучено договор за користење. Сепак непријатната миризба и фекалиите ги налутиле останатите жители кои се пожалиле до овластениот инспекторат за животна средина. Решение засега нема.

Законот за заштита и благосостојба на животните не се почитува во Охрид. Посебно ова непочитување е изразено кога станува збор за чувањето на домашните миленици.

По само две недели работа, новиот градоначалник на Дебрца, Зоран Ногачески излезе со првичните податоци од направените анализи за финансиската состојба на општината.

Индивидуална станбена зграда која се гради во стариот дел на Охрид на местото познато кај Охриѓани како Видиковец, затрупува базилика и темели од црквата Св Тројца. Жителите од ул. Климентов универзитет очајнички бараат помош од надлежните со цел да се стопира градбата на овој габаритен објект. Велат се обративме до сите инспекциски служби, но реакција од никаде. Очигледно оваа градба има посебен третман, додаваат тие.

На последната седница на Советот на општината, не помина Одлуката за утврдување на цени за вонредно чистење на улиците, кое го врши Јавното Претпријатие „Охридски Комуналец“.

Триесетина охриѓани ќе добијат субвенции за ПВЦ прозори. На листата  граѓани од цела Македонија се 1100 баратели.  Граѓаните во наредниот период може да очекуваат на нивните сметки да се префрлат по 500 евра државни субвенции.  Субвенциите се доделени во согласност со принципот „прв дојден, прв услужен“.