Пратеникот од Охрид од опозиционата ВМРО ДПМНЕ,  Кирил Пецаков денеска на прес конференција побара одговор од власта како е дојдено до сума од  близу 3 милиони евра за ослободување од патарини на српските граѓани. Дополнително , прашува зошто за време на сезоната не важи ослободувањето за српските туристи кои ќе сакаат да го посетат нашиот туристички Охрид.  Вицепремиерот за економски прашања Фатмир Битиќи смета дека сумата се предвиден трошок кој би го имало Јавното претпријатје за државни патишта од ненаплата на патарини за српските граѓани. Тој не смета дека со тоа што  ослобудувањето важи само за транзит кон Грција  ќе се дестимулира домашниот туризам.

Охридскиот бренд АД „Жито леб“ го освојува пазарот во соседна Србија со познатото охридско ѓеврече. Тие велат дека се задоволни од тоа како се прифатени нивните производи во Србија, а додаваат дека веќе размислуваат за проширување на бизнисот и во останатите пазари на Балканот.

СВР Охрид поднесе кривична пријава против А.Т.(44) од Охрид поради постоење основи на сомнение за сторено казнено дело „неовластено производство и пуштање во промет на опојни дроги, психотропни сустанци и прекурсори“.

Поради минирање на теренот во близина на патната делница Пресека – село Врбјани на магистралниот пат Охрид-Кичево, денес на овој патен правец ќе има триесетминутно сопирање на сообраќајот во двата правци.

На крајот од месецов ќе покажат што знаат на меморијалниот турнир во боречки вештини во Охрид, додека во Ноември заминуваат на Меѓународниот отворен турнир во Благоевград.

Од Центарот за јавно здравје од Охрид денес делеа овошје и здрави совети на граѓаните, а како продолжение на одбележувањето на Светскиот ден на срцето.

Сто активности во еден настан. Платото пред ЦК „Глригор Прличев“ беше местото каде што годинава се одржа хуманитарна акција „За посреќно детство“. Различни спортски дисциплини, културно забавни содржини, крводарителска акција, бесплатен стоматолошки преглед за сите деца, и годинава ги сплоти младите луѓе под еден заеднички именител, хуманоста.

Талат Џафери очекува законот за дивоградби на 8 јуни да се најде на пленарна седница. Дотогаш се очекува во него да бидат вметнати забелешките на стручната јавност.