Во овој момент Владата не размислува за нова помош за угостителите. Вицепремиеот Битиќи вели дека ја следат состојбата во секторот кој не е затворен, туку работи лимитирано. Разговори ќе има, но со оглед на тоа дека државата е во предизбрен период, можностите за помош се лимитирани.

Искусни професори од Холандија, вршат обука на вработените на НП „Галичица“. Оваа како и повеќе други активности се во рамките на престојното одбележување на 53 годишнината од постоењето на НП. Целна група денес беа дел од основците на општина Охрид.

Вредна донација за двајца наши сограѓани во инвалидски помагала, обезбеди Здружението за еднаква застапеност на лица со посебни потреби во медиумите „СОС Балканмедиа“ од Охрид. Решенијата им ги врачи градоначалникот на Охрид а претседателот на здружението, повика на поголема поддршка на општествено одговорните компании кон лицата со посебни потреби.

Министерството за култура повеќе од 4 години нема одвоено пари за експропријација на објекти на кои се откриени различни археолошки наоди.

Жителите од населените места долж магистралниот пат Охрид Св Наум, бараат нов асфалт и проширување на патот. Тоа им било ветено веќе неколку пати, а досега неисполнето. Тие укажаа дека постоечкиот пат е опасен и претставува магнет за сообраќајни незгоди.

Оваа сабота, повторно јавна презентација на техниката, како и на резулатите од нејзината примена.

Итно се потребни средства за лекување на 25 годишната Ивана Павлеска, која боледува од акутна леукемија.

Во охридскиот Центар за јавно здравје  за потребите на регионов  има 50 бесплатни тестови за хив/сида. Во  2017 биле набавени 150 тестови преку глобалниот фонд и 50 од министерството за здравство. Во 2018 година Глобален Фонд за борба против ХИВ/СИДА, престанува со  финансирање на   потребните тестови па обврската  да ги набавува тестовите ја презема Министерството за здравство.