Поставувањето на базни станици на мобилните оператори е тема за меѓусоседски расправи, преселби, грижи, но и за протести. Поради страв од зрачење, мештаните од охридската урбана заедница Горна Влашка маала синоќа излегоа на мирен протест, барајќи ВИП мобилниот оператор веднаш да ја тргне базната станица која деновиве ја поставуваат на приватен објект во нивната маала.

Вечерва во „Куба либре“ ќе настапи еден од најдобрите грчки џез музичари Костас Теодороу со постава која доживува голем успех низ Европа.

За само 900 метри пат се чека државата да одобри пари за да се асфалтира Источната трансверзала. По три изминати години сеуште не  дозавршена и пуштена  во сообраќај  заобиколницата или Источната трансверзала која води од патниот правец Битола – Св Наум.

До средината на месец декември Охрид ќе добие јавни тоалети. Деновиве економскиот оператор, односно фирмата која беше избрана на тендер како изведувач врши увид на локаците кај Амамот наспроти Поштата и кај Горна Порта наспрот паркингот. Средствата во висина од 2 милиони денари се обезбедени од Центарот за развој на Југозападниот плански регион кои се носители на проектот, а во проектот вклучена е и Локалната самоуправа на општина Охрид со свои активности.

Една од најдобрите балкански и европски џез групи „Васил Хаџиманов бенд“, синоќа го отвори првиот Џез фестивал во Охрид.

Сите во акција. Пред стартот на школската година се разубавува општинското музичко училиште Методи Патче. Младите Ротаријанци по многу средби кои ги реализирале со директорката на училиштето одлучија исшкртаната фасада која го нагрдуваше ликот на училиштето, да ја заменат со слики на музички инструменти.

Времето во Охрид денес сончево со умерена локална облачност. Ќе дува слаб до умерен ветер од западен и северозападен правец.

Дваесет и третотото издание на манифестацијата „Поетската ноќ во Велествово“, од година во година добива меѓународен карактер.