Центарот за јавно здравје од Охрид набави  вакцините против сезонски грип. Имунизацијата против ова заразно заболување ќе започне на почетокот на октомври. Од оваа година се воведува новина при вакцинирањето па сите оние кои што се болни, хронични болни и се со телесен инвалидитет како и лица над 65год. ќе можат да бидат вакцинирани во нивните домови.

Народните носии на 60 ансамбли од 16 земји ќе го обојат овогодинешното издание на Меѓународниот фестивал „Разиграно оро“. Рекордните 2500 учесници ќе ги претстават своите земји на најмасовниот фестивал од ваков вид на македонско тло. Отворањето на фестивалот е закажано за 2ри Јули во магичната атмосфера на античкиот театар.

Тардиционално,  годинава по трет пат во селото Горно Лакочереј во манастирскиот комплекс Св. Спас се одржа манифестацијата ѓомлезијада. Годинава 20 натпревачи го приготвуваа специјалитетот, а за проба на истиот стана вистинска гужва и турканица.

Денес кандидатот за градоначалник од СДСМ и коалицијата Јован Стојаноски на прес конференција најави мерки кои идната локална власт треба да ги спроведе за подобрување на туризмот во Охрид. Тој рече дека Охрид заслужува да биде најпосетената туристичка локација во светот, и нивната мисија била од Охрид да направат препознатлива и атрактивна дестинација која ќе биде бренд во туризмот.

Проблемот со атмосферската канализација стана хронична појава во каналот Студенчишта и на дел од езерото. Надлежните во градов за ова проблематика години наназад без слух, велат од Центарот за едрење.

Охридската Саат кула со својата едноставност и скромност, вгнезден во зеленилото на Бајрот,  пркоси низ врмето. Со  висина од 12 метра гордо стои  и на охриѓани и неговите посетители им го покажува точното време.  Поставен на камена кула сатот опстојува и не се предава пред времето.

Здрава исхрана за сите ученици од 1во до 5 то одделение на товар на буџетот на општината Охрид. Овој проект го најави кандидатот за советник Ангел Јанев, проект кој треба да го реализира кандидатот за градоначалник од ВМРО – ДПМНЕ, д-р Митко Тилевски, доколку ja добие довербата на граѓаните.

Иако се очекуваше на денешното рочиште да бидат дадени и завршните зборови на адвокатите на двете страни, сепак истите се одложени за дваесет и четврти овој месец.