Претставата е во режија на Нада Кокотовиќ од Хрватска, која вели дека е особена чест што една реномираната манифестација како што е „Охридско лето“ ќе биде затворена со проектот што таа го работи со Битолскиот народен театар.

Општината сериозно се зафаќа да го реши проблемот со кучињата скитници. Таа во соработка со Здружението на граѓани „Анималија“ презема почетен план за решавање на овој долгорочен проблем. Заедно со Центарот за развој на Југозападниот плански регион ќе аплицира со проекти за набавка на опрема и обука на кадри од ЈП „Охридски комуналец“.

На ден пред затварањето на 51 –то издание на Охридско лето,  директорот и двајцата селектори на прогрмата се задоволни од квалитетот на прикажаното  во текот на 40 –те фестивалски дена. Директорот на Фестивалот, Илија Мојсоски истакна дека со понудената богата музичка и театарска програма овој фестивал го зацврсти своето високо реноме.

Ристоски Борис, жител на улица „Железничка“ се посомневал во две лица кои во текот на вчерашниот ден собирале добротоворни прилози за изградба на верски објект.

Неформалната група екољубители за почист Охрид во дел од населбата Христо Узунов имаше акција. Собраа 12 кеси со најразличен отпад. Со исклучок на централното градско подрачје охридските населби се нечисти затајуваат службата за хигиена, но и граѓаните со својот однос кон екологијата.

Годинава за идните студенти обезбедени се сите услови потребни за академската година, со многу новитети, „Лап топ“ компјутери за секој студент, како и лабараторија за практична настава.

Голем број граѓански здруженија, културно уметнички друштва, месни заедници и поединци ќе добијат финансиска поддршка од Локалната самоуправа. Триесеттина проекти поминале на конкурс објавен од страна на општината за поддршка на микро проекти кои ќе обезбедат економски развој на градот.

Конгресниот туризам во Охрид е во опаѓање. Тренд на домашните компании е да организираат семинари надвор од Македонија. Туристичката сезона е  кратка,  продолжување има со балканските тури на гости од Малезија, напоменуваат туризмолозите.