Подобрувањето на инфраструктурата во градов, санирање и довршување на колекторскиот систем, изградба на четири нови спортски сали во училиштата, фабрика за отпад, но и гасификација на Охрид. Ова се проектите за кои зборуваше кандидатот за градоначалник од СДСМ Јован Стојаноски на денешната прес конференција.

Вкупно 1440 рибарски мрежи  запленети од Езерската полиција во водите на Охридското Езеро, денеска беа уништени на депонијата во Мауцкер. Пред уништувањето Министерката за внатрешни работи Гордана Јанкуловска лично ги виде запленетите мрежи во седиштето на езерската полиција.

Охрид домаќин на Меѓународна конференција посветена на “Националните стратегии за борба против трговијата со дрога – намалување на снабдувањето со дрога“. Конференцијата е во организација на Министерството за внатрешни работи и Женевскиот центар за демократска контрола на вооружените сили.

Во тек се градежни активности за изградба на резервоар за вода во село Подмоље. Со овој зафат се очекува решавање на горливиот проблем со водоснабдувањето  кој со години го имаат жителите на ова населено место.

Од 2 до 5 јули по четврти пат во Охрид ќе се Фестивалот на француски филм. Директорот на фестивалот за Македонија Зоран Велјаноски – Летра вели дека на селекцијата на програмата се работело  цела година. „ На фестивалското издание ќе има поширок избор на филмови од најновата француска продукција“, додава Велјаноски.

Што се случи со изградбата на современа градска библиотека. И после три години од започнувањето на реализацијата на овој проект, градов сеуште е покус за вакво здание во кое љубителите на книгата ќе можат да читаат и да се едуцираат. Охриѓани се желни за современа градска библиотека. Чекаат надлежните да кажат што се прави на овој план.

Додека дел од Европските земји се справуваат со заканата од оваа смртоносна бактерија, Македонија мирна. Опасност од бактеријата нема. Сепак цената на зеленчукот нагло се намали за само месец дена. Дали причината е стравот од бактеријата или нешто друго?

НП „Галичица“ се пресели во новите простории. Првиот човек на паркот Зоран Ангелоски, најавува многу новитети кои за прв пат се случуваат во рамките на активностите на паркот.