Денес на потегот од старото пристаниште до каналот Студенчишта охридските нуркачи го чистеа дното на езерото. Целта е да се подигне јавната свест за зачувување на природните реткости како што е нашето бесценето Охридско Езеро, велат нуркачите. Тие укажаа дека најголеми загадувачи се граѓаните на Охрид, посебно во деловите каде што гравитираат населбите покрај езерото.

ОО на Црвениот крст и Сава Табак осигурување организираа заедничка крводарителска акција. Одзивот на Охрѓани огромен. Тие и овој пат покажаа дека се хумани и дека се редовни посетители на овие акции.

Идните првачиња, денес ги добија и своите први дипломи, а за оваа пригода беше подоготвена посебна забавна програма.

Младите охриѓани Никола и Бојан донесоа новина во нашиот град. Тие отворија фирма за мобилно еко чистење на автомобили. Засега задоволни се од интересот на охриѓани, но за нив најважно е да остават добар впечаток кај корисниците на нивната услуга која нуди чистење на нивните автомобили со водена пареа без средства и јаки четки.

Началниците на генералштабовите на армиите од балканските земји, се сретнаа денес во Охрид.

Во кој правец се движи туризмот во Охрид, но и во земјава? Со каква стратегија се настапува пред туристите домашни или странски, а кои се придобивките? Туризмот е една од најважните развојни гранки во земјава, а државна стратегија едвај да имаме. Ваква стратегија еднаш беше донесена, но набргу потоа ревидирана поради одредени недостатоци. Според новата стратегија, Охрид запловува во културниот туризам.

Охриѓани даваат поддршка за референдум на иницијативата на  Пеленската револуција. Доколку се  соберат 10.000 потписи во земјава граѓанската иницијатива „ 450 Породилно“  ќе влезе во процедура за измена на предлог Законот за работни односи. Измените  се однесуваат на зголемување на времетраењето на платено отсуство од работа поради бременост,раѓање и родителство од 9 на 18 месеци.

Втор ден, втора година по ред, во рамките на неделата на животната средина, што ја организира Општина Охрид, и денеска голем број Охриѓанија добија жардињери со петунии и импатија, со цел разубавување на нивните балкони. Интересот за акцијата огромен, но за жал и некултурата кај нашите сограѓани.