Позитивни импресии од овогодинешниот спортско рекрреативен камп кој се одржува во хотел Десарет. Асоцијацијата Спорт за сите сите за спорт втора година го организира овој камп на кој учествуваат околу 100 деца од Македонија и Србија. Организаторите задоволни, а уште позадоволни учесниците.

Најмладиот шампион на Охридскиот пливачки маратон на сите времиња и првата жена од Балканот која го препливала каналот Ла Манш, Атина Бојаџи по нејзината смрт предизвика огромно внимание. Граѓаните, а воедно и советниците на политичките партии едногласни дека треба да и се оддаде почит.

Останавме без здравје, се жалат граѓаните на бучавоста која доаѓа  од угостителските објекти во градот и во Пешатани.

Туристичкиот бисер среде главната туристичка сезона е градилиште. Се гради во централното градско подрачје и од локалната и од приватните инвеститори. Никој  не ја почитува забраната за градење во централното градско подрачје и туристичките населби  во екот на летната сезона. 

Постапките за локални плански документации сеуште замрзнати. Неофицијално дознаваме дека уставниот суд конечната одлука по однос на планските документации ќе ја донесе за две недели.

Министерот за култура Елизабета Канческа Милеска по четири месеци размислување пресече ќе постави директор на Фестивалот Охридско лето. Со вчерашната изјава таа ја реши дилемата околу конкурсот за поставување на директор на Фестивалот Охридско лето, нема да има повторен оглас  за оваа функција, која засега ја обавува  в.д. директорот Васил Зороски.

Несоодветни фотографии од урнатини, распукани патишта, непроверени па дури и лажни информации, страотни предвидувања за силни потреси, а се тоа  во врска серијата земјотреси кои го погодија Охрид, предизвикаа осуда, лавина коментари и остра реакција од граѓаните на социјалните мрежи.  Но не и од  институциите .

Нема веќе место за насолзената завеса, време е за солзи радосници. Охрид, градот на културата, го доби својот професионален театар.