Вработените во НП „Галичица“ се оставени три месеци без плата, по престанокот на манадатот  на двајца членови на Управниот одбор, алармира за состојбите во паркот, членот  на управниот одбор, Ванчо Костоски.

Традиционалниот Илинденски маратон, што се плива од Горица до грдаското пристаниште, годинава со неколку новини. Едната е тоа што стартната листа беше збогатена со пливачи од Бугарија и Полска, а најголемо изненадување како за организаторот така и за целокупната јавност, беше учеството на тројца млади пливачи од Здружението на граѓани за лица со дисфункција, хендикеп, ретки болести и посебни потреби „Дајте ни крилја“ од Скопје.

Судскиот процес за убиството на српскиот турист Дејан Новаковиќ е префрлен во Основниот суд во Прилеп.

Охридската библиотека „Григор Прличев“ стана дел од договорот за соработка на седум библиотеки од Балканот и Европа.

Ова лето не се реализирала ниту една тура за Поградец. Дали полека згаснува линијата Охрид Поградец која се воспостави пред две години. Од Охридската капетанија велат дека атрактивноста опаѓа, мал е бројот на патници кои сакаат да се возат за Поградец, па бродарите немаат економска оправданост да сообраќаат на оваа релација.

Пратениците на Собранието на Р. Македонија и официјално дадоа амин за имплементација на законот за легализација на бесправно изградени објекти.

Центарот за развој на Југозападниот плански регион ќе го решава проблемот со отпадните води во шест општини. Студијата за проектот е веќе готова, во моментов се преведува на англиски јазик, бидејќи се подготвува документацијата за реализација на проектот преку компомента на ИПА регионален развој.

 Нити една охридска плажа не е прилагодена за телесните инвалиди. Ни локалната и ни држават не покажаа слух за лицата со инвалидитет да им овоможат пристап на охридскто крајбржеје.  Со години Здруженеито  Мобилност и ОО Црвен крст бараат на крајбрежјето да се уреди  плажа за овие лица но досега безуспешно.