Нови пукнатини и вдлабнатини на тротоарот и коловозот на улицата Јане Сандански. Дел од овој коловоз пред извесно време беше затворен заради безбедноста на учесниците во сообраќајот.

 „Пејзажи на душата“  од  сликaрот Стефан Хаџи Николов. Љубителите на ликовната уметност ќе имаат можност во ликовната галерија Куќата на Робевци да ги видат најновите дела од неговото творештво.  Хаџи Николов вели, кризата во општеството се рефлектира и во сликарството, но не само кај нас, туку и во околните земји. 

Покрај паркираните возила на тротоарите, пречка за пешаците се и узурпираните тротоари од страна на дел од угостителските објекти во градов. Во првиот случај пајак службата веднаш излегува на терен, но во вториот  се прогледува низ прсти и се чека налог.

Што е поважно, формалното или неформалното образование? Од колкава помош за младите е неформалното образование?

Охридските убавини преку фотографиите на Зоран Велјаноски Летра ќе бидат претавени во центарот на фотографијата Њу Јорк. 40 фотографии од кои 24 во голем и редок фотографски формат 100 на 70, 18 во формат 50 на 70 жителите на Њу Јорк ќе имаат можност да ги видат од  20 март до 3 април.

Санитетско транспортно возило со комплетна опрема, доби општа болница Охрид. Тоа е од исклучителна важност за установата бидејќи досега болницата работеше со едно исправно возило, а во многу наврати ги покривала и брзата помош од Охрид, открива секретарот Антонио Наумоски.

До нашата редакција пристигна допис каде се критикува односот на дел од докторите на одделението за уво, нос и грло. Овој допис му е познт и на Портпаролот на општа болница Охрид, кој порача незадоволните пациенти да се обраќаат до нив за да може да се надмине проблемот доколку постои.

Центарот за развивање на животни вештини БРЕИНОБРЕИН-Црвен крст Охрид започнува со уписи на нови деца од 4-14 годишна возраст, заинтересирани да ја следат интернационалната Бреинобреин едукативна програма преку која ќе имаат можност да ги стекнуваат, развиваат и потврдуваат своите способности: концентрација, меморија, нумерички и вербални вештини, способности за учење, креативност и имагинација, лидерство, самодоверба, визуелизација, решавање на проблеми.