Добро здравје, хармонична семејна средина и решавање на суштинските проблеми кои ги тиштат граѓаните им посака д-р Гордана Коњаноска, претседателот на охридскиот совет по повод престојните празници. Денес во О. У. „Ванчо Питошески“ 150 семејства од социјално ранлиивата категорија беа поканети на ручек и предновогодишна забава која ја организира Црвениот Крст во соработка со општина Охрид.

ЕМУЦ „Св.Наум Охридски“ утре го одбележува патронатот.

Од Центарот за јавно здравје се забранува за пиење и користење водата од селските водоводи во селата Климештани, Требеништа и Мешеишта. Јавното комунално  претпријатие Дебрца кое стопанисува со водоводот во Требеништа ја хлорирало  водата, а не се надлежни за другите два  селски водоводи бидејќи со нив стопанисуваат месните заедници. 

Такси превозниците добија намалување на цената за добивање лиценца, опозицијата не ги доби на дневен ред двете точки од урбанизмот кои ги бара неколку седници нанзад, а советниците од ВМРО ДПМНЕ во своите редови добија старо нов советник. На денешната седница на совет, 16 та по ред во дискусиите се најде и најновата атракција во Охрид, монтажното лизгалиште на плоштадот.

Дечињата од градинката Јасна Ристеска денес се засладија со колачињата од фирмата Вија Пром. Директорката го поздрави ваквиот гест и ги охрабри и останатите фирми кои се во можност да ги израдуваат најмладите.

Тие на дечињата им подарија триесетина новогодишни пакетчиња и ветија дека оваа активност ќе продолжи во текот на целиот празничен период.

„Биди и ти вистински василичар“, е годинашниот слоган за престојниот вевчански карневал, манифестација стара околу 1450 години, која секоја година се одржува за Стара Нова година и празникот Василица. Од општина Вевчани најавија низа новини во поглед на организација и можност не само вевчанци туку и гостите доколку сакаат да бидат дел од поворката под маски.

Oхриѓани го сефтосаа монтажното лизгалиште на градскиот плоштад. Тие задоволни од оваа нова содржина која престојните празници ќе ги направи уште поубави.