ЦИН 1 е состојба на мала промена на грлото на матката. Тое е мал предзнак дека кај жените каде е констатирана ваква состојба, треба да поведат сметка за своето здравје.

Советничката група на ВМРО ДПМНЕ на првата седница на совет годинава ќе поднее иницијатива една улица во Охрид да го носи името на Атина Бојаџи.

 Некои од плажите на охридското крајбрежје кои се под концесија сеуште немаат спасители и обележани капалишта. На оние капалишта кои немаат концесионер мора да се  постават табли со предупредување. Надлежните најавуваат контроли дали се почитуваат законските обврски од  Законот за внатрешна пловидба. 

По два неуспешни тендери за изработка на студија за сообраќај за Охрид, локалната распишува трет.

Скромна помош за неколку Охридски семејства. ОК на ВМРО ДПМНЕ во очи на големиот христијански празник Божик, спроведе хуманитарна акција.

Секој ден Димитар Свилар од Долно Лакочереј охридско, се снабдува со вода полнејќи неколку канти од чешмата во близина на селската црква. Тој како што открива за ТВМ, 4 децении живее без вода во својот дом, а досега месната заедница не успеала да го реши неговиот проблем. Свилар е крводарител кој околу 200 пати дарувал крв. Овој хуман човек се надева дека надлежните ќе најдат начин да му излезат во пресрет сега кога тој има потреба од помош.

Отворена изложба на академскиот сликар Славко Упевче, посветена на 1100 години од упокојувањето на Св. Наум Охридски. Посетителите остануваат без збор пред  неговите пејзажи,  изработени во техниките сув пастел, масло на платно и акварел.

На симболичен начин, со песна, дечињата од хорот „ Распеано ѓерданче“, на Охриѓани, им го честитаа големиот христијански празник Божиќ. Воедно, го промовираа и своето прво ЦД.