Од мали фудбалери до целосни личности. Без пороци, со напорна работа и спорт. Фудбалската школа „Охрид 10 Јуниор“ доби соблекувална по европски стандарди. И покрај лошата инфраструктура, тие добро работат, а во моментов примаат и нови членови.

Охридските пожарникари со  полни раце работа. Само во месец  јули интервенирале три пати повеќе во споредба со истиот месец лани. Пожарникарите гаселе пожари не само во Охрид туку и во Дебрца, Струга , Ресен  и  Македонски брод.

Охрид и Македонија сеуште атрактивна дестинација за Србите. Ова го потврдува заинтересираноста на потенцијалните туристи да го посетат Македонскиот штанд, на саемот за туризам во Белград.

Запуштениот простор каде што се наоѓаше некогаш за охриѓани омилената  кино бавча ќе се обновува. За таа намена ресорното министерство веќе одобри 200.000 денари, пари кои за овој проект ги побарал Центарот за култура.

 Строго забрането палење скара и стрништа во НП Галичица. Влезот во паркот е под строга контрола. Ограничувањето за движење низ шумата ќе важи до средината на август.

Каналот „Студенчишта“ најдобро место за риболов на балканот. Во зимскиот период ретко некој од постоечките спортви во земјава може да предизвика голем интерес. Риболовот во Охрид го докажа спротивното. За прв пат во Европа се одржа првото коло од професионалната меѓународна лига „Лов риба со јадица на пливка“.

Како до лиценца за работа? Голем број кладилници не нашле одговор на ова прашање. Измените на законот за игри на среќа ги оскапе лиценците. Добивањето на истите станува уште потешко. Многу кладилници, времено затворени.

Охридско семејство веќе неколку месеци бара правда поради недозволеното поставување на далекувод од страна на ЕВН во нивниот имот. Сопствениците на парцелата тврдат дека претходно ниту биле информирани ниту консултирани за поставувањето на овој објект и бараат тој да биде отстранет од имотот или да им се плати оштета. Од ЕВН пак тврдат дека далекуводот кој се наоѓа на оваа парцела не е нов и дека само вршеле реконструкција на веќе постоечкиот.