„Секој почеток има и свој крај“. Вака варошани им порачаа на надлежните во градот, околу проблемот со кој деновиве се соочуваат, со поставените знаци за забрана за сообраќај, со што според нив му се отстапува патот на самоволието на сопствениците на угостителскиот објект „Пандонос“.

Народната поговорка „Кучињата лаат караванот си минува“ е само потврда на состојбата за која што ТВМ во неколку наврати ве известуваше.

Колку човечки животи се потребни за да се реши еден сообраќаен проблем?

Охрид домаќин на државниот натпревар по физика. Околу 320 ученици, 80 ментори од 60 училишта од земјава, учествуваа на овој голем настан, кој годинава се одржува во ОУ „Христо Узунов“.

Во листата на збратимени градови на Охрид, со големи букви се запишува името на Турскиот град Јелова. Оваа соработка доаѓа по претходно донесените одлуки на седниците на совет на двете општини. Збратимувањето во Турција го потпишаа двајцата градоначалници на Охрид и Јелова пред неколку денови.

Депонијата Буково постојано се опожарува и испушта чад кој стигнува и до Охрид. Од локалната велат дека пожарите се предизвикани од високите температури и несовесното однесување на поединци поради што потребни се контроли за пронаоѓање на лицата кои неовластено се движат и престојуваат на тој потег. Во врска со горењето на депонијата денеска се огласи и Државниот инспекторат за животна средина од каде информираа за досегашните изречени решенија и глоби и дека доколку не се почитуваат законските одредби и во иднина ќе следеле санкции и мерки.

Охридските пратеници не се оѕваа на повикот за помош на охридските бродари. На денешниот состанок пристигна само градоначалникот Александар Петрески кој и во оваа прилика јавно ја искажа подршката на локалната за излез од кризата во која западнаа.

Крак од ул „Гоце Делчев“ прерасна во тесно сообраќајно грло поради зафатите за изградба на новиот затворен градски пазар. Револтирани возачи, станари, дуќанџии и пазарџии, секојдневно укажуваат на низа проблеми и ги повикуваат надлежните да најдат соодветно решение со цел да се реши хаосот кој со денови се случува на овој потег.