Отворена изложба на академскиот сликар Славко Упевче, посветена на 1100 години од упокојувањето на Св. Наум Охридски. Посетителите остануваат без збор пред  неговите пејзажи,  изработени во техниките сув пастел, масло на платно и акварел.

На симболичен начин, со песна, дечињата од хорот „ Распеано ѓерданче“, на Охриѓани, им го честитаа големиот христијански празник Божиќ. Воедно, го промовираа и своето прво ЦД.

Не стивнуваат реакциите за сечењето на борот кај Летница. Од петте дрва кои правеа ладовина на овој простор сега останаа 4, а на две  им беа  поткастрени  гранките. Охридската јавност  и овој пат е иритирана од леснотијата со која Комисијата за сечење дрва на јавна површина издава решенија. 

Еколошките острови сеуште чекаат да бидат ставени во функција.

На магистралниот пат „Железничка“ оставени две отворени шахти. Истите се многу опасни за безбедно и непречено одвивање на сообраќајот на овој пат. Делот, каде улицата „Крали Марко“ се спојува со „Железничка“ оставен без патека за инвалиди.

На пазарот на платежни услуги се појавуваат нови компании кои се опасни играчи, играчи кои ќе бидат голема конкуренција за банкарските групации. Големите банкараски групации  пак за  да се заштитат  со цел да не изгубат голем дел од платежните пазари, се здружуваат со овие компании кои ги спојуваат финансиите и  интернет технологиите.

Зградата наспроти Маларична во која се сместени канцалариите на повеќе инстиутуции, невладини организации и политички партии од ден на ден станува се поопасна.

Ниту охриѓани, ниту стужани не го почитуваат Законот за заштита од пушење.