Два месеци, персонални асистенти ќе помагаат на лицата со инвалидитет во Охрид. Тие ќе работат по 20 часа неделно или пола работно време, а за тоа ќе бидат соодветно платени. Станува збор за реализација на пилот проект на Министерството за труд и социјална политика, кој ќе трае 2 месеци, а е финансиран од финската амбасада.

Речните корита на Сатеска, Коселска река и Грашница се чистат. Досега најчеста слика на речните корита, чии води се влеваат во езерото, беше деформирани водотеци затрупани со најразлични видови  отпад, па се до паднати или изникнати дрвја.

Објавен конкурсот за престижната Светиклиментова награда. Општината во потрага по нови кандидати за највиското општинско признание, наградата „Патрон на градот“ – Св. Климент Охридски.

На охридскиот туризам му недостасува софтвер за електронско пријавување на туристи.

Лицата заболени од дијабетес во моментов се задоволни од снабденоста со инсулинската терапија. Се стави ред по инсулинската криза што беше карактеристична на почетокот од годинава, вели Димче Панџак, претседател на Здружението на охридските дијабетичари.

Само 25 корисници на социјална парична помош и постојана социјална помош доставиле фактури со платено греење до Центарот за социјални работи.

 „По стапките на А. Ден Долард“  изложба  на стари фотографии од  Струга.

Со цел развој на руралниот туризам и поголема искористеност на природните убавини и географската положба, жителите на охридското село Куратица решија да набават ски-лифт и на тој начин да привлечат поголем број туристи.