Граѓаните може да бидат спокојни. Водата за пиење во Охрид и Пештани е безбедна за пиење, смирува директорот на Институтот за јавно здравство на РМ.

Институциите не го почитуваат законското право глувите лица во одредени ситуации да добиваат толкувач на знаковиот јазик. Никој не сака да слушне за Законот за знаковен јазик донесен во август 2009 година според кој на глувите лица треба да им се обезбеди прведувач и да им се платат трошоците за нивното ангажирање, истакнува претседателот на Здружението на глуви и наглуви лица од Охрид, Славица Стефаноска.

Дебарско – кичевската епархија ги известува православните верници дека утре, 31-ви март, во црквата Успение на Пресвета Богородица Каменско, со почеток во 17:00 часот, ќе се служи мало повечерие со Акатист на Пресвета Богородица, (последен во Великиот пост).

Објектите во кои требаше да се негува и развива спортот во Охрид и Струга оставени на забот на времето. Едни руинирани до потполна неупотребливост, други недоизградени.

Големи камења поставени  на бегот во Пештани, со цел да се заштити патниот правец Охрид – Св. Наум од големи бранови и негово понатамошно нагризување. Пештанци се спротиставуваат на ова и велат наместо камења треба да се стават вертикални браници. Денеска во посета на Охрид, министерот за замјоделство, Љупчо Димоски.

Охридските трујачи повторно во акција. Овој пат нивни жртви три кучиња скитници.

Граѓаните сметаат дека цената на јајцата ќе се зголеми во пресрет на Велигденските празници. Велат дека трговците го чекаат токму празникот за да печалат. Производителите пак не најавуваат поскапување на јајца. Тие убедуваат дека јајца ќе има во доволна количина.

Неколку надгробни плочи испрскани со бела боја. Случајот пријавен во СВР. Од таму велат се работи на рaсветлување на истиот.