Пештанските гробишта претесни. Пештанци од Локалната самоуправа на Охрид бараат под итно да се реши проблемот, бидејќи не останало ниту едно место за погребување на покојните, како што тврди претседателот на МЗ Драган Тренески. Од МЗ се свесни дека решението на овој проблем лежи во нова локација што како проект бил прескап, но според нив мора час поскоро да се реагира, за да не се докомплицира и онака сложената состојба.

Новиот начин за набавка на лекови со доплата или референтните цени на дел од граѓаните не им се познати.

Црвен  крст доби локација  за оперативниот центар за безбедност на вода.

Мештаните се жалат- „за нехигиената се виновни туристите и комуналното претпријатие“. Гостите пак велат- „ако продолжи ваквата состојба, повеќе не доаѓаме во Пештани“.

Деновиве на теренот кај езерската полиција во Охрид  беше одржан неколкучасовен теквондо тренинг и демонстрација на кој учествуваа тимови од Македонија, Србија и Словенија. Тренингот го водеа Исмет Ичановиќ од клубот Шкорпион, црн појас шести дан, носител на златен медал и Маринко Стојаковиќ црн појас, петти дан европски  шампион од  Теквондо Клубот Бајша.

45,4 % од населението е опфатот на имунизацијата против Ковид во Охрид. Во Струга процентот на вакцинирани граѓани е скоро двојно помал. На ниво на државава, заклучно со 1 август, со една доза на вакцина против Ковид 19 вакцинирани се 31% од населението над 18 годишна возраст, соопштија од Министерството за здравство.

Ќе се проширува ли градскиот превоз со уште неколку нови линии. Автопревозниците велат дека нема економска оправданост за тоа. Од АД „Галеб“ се задоволни од подобрувањето на условите за негово одвивање, но велат дека треба да се направи поголем ред на постојките кои се узурпирани од диви превозници. Бараат да се изградат специјални џебови каде што ќе можат да застануваат возилата кои качуваат и слегуваат патници.