Сеуште има проблеми кои треба да се решаваат во однос со безбедноста на плажите и безбедноста во вода. Од Охридската капетанија кажуваат дека некои концесионери не ја почитуваат законската обврска да ангажираат спасители на вода, а има прекршување и на законот за слободна пловидба. Ваквите појави се позастапени на струшкиот дел од крајбрежјето на езерото.

На десет времени паркинг локации до крајот на август нема да се врши наплата. Ова е утврдено според одлуката за Летниот режим на сообраќај, која стапи на сила од 1-ви јули. Целта на локалната е паркинзите во централното градско подрачје да се наменети претежно за туристите, а не за месното население. Настанаа измени и во линискиот превоз како не би се создавал сообраќаен метеж во летниот период.

Од денес 3-ти август, забрана за движење низ шумските подрачја поради зголемена опасност од пожари, информираат од Националниот парк Галичица Охрид.

Семафорите на раскрсницата кај населбата Рача се само декор на магистралниот пат Охрид Св Наум. И после година дена од поставувањето на оваа вертикална сигнализација со цел подобрување на безбедноста на овој патен правец, тие сеуште не се ставени во целосна функција.

„Вино Жупа“ од Александровац и „Повардарие“ од Неготино, синоќа пред охридскиот угостителски ешалон, ги презентираа најдобрите вина од своето производство. Целта е доближување на нивните производи до крајните потрошувачи.

Во центарот на Струга попладнево избувна голем пожар. Изгореа три страи куќи,а за четвртата и петтата се прават напори да бидат спасени. За среќа нема повредени ниту човечки жртви.

„Мирно и безбедно лето за охриѓани и туристите“. Под ова мото денес на иницијатива на СВР Охрид се одржа состанок со надлежните институции на кој се дискутираше како да се постигне поголема безбедност на крајбрежјето и во вода. Состојбата во споредба со минатите години се подобрува, но има простор и за понатамошно ангажирање, велат од СВР Охрид.

Започна 55 издание на Балканскиот фестивал на народни песни и  игри.