Во пресрет на матурските прослави, СВР Охрид ја отпочна превентивно- едукативната кампања „Среќни и безбедни матурски вечери“. Претставници од оделението за превенција, пред учениците презентираат низа мерки за безбедност при одржувањето на матурските прослави.

Дел од кејот на езерото повторно узурпиран со урбана опрема. На тротоарот на улицата „Коста Абраш“ угостителските и хотелските објекти особено во летниот период поставуваат маси и столици. Дали за тоа се плаќа надомест на општината или некој на своја воља си го узурпирал просторот.

Охридската цреша ќе се извезува на рускиот пазар.

Охриѓанецот Алaедин Неби изработува  уникатни  сувенири и предмети од ореово дрво со седеф.

Судската администрација денес повторно излезе на штрајк. Административците ќе штрајкуваат се до исполнување на нивното барање, за зголемување на платата. Борче Митрески, претседателот на Здружението на судската администрација вели дека нема логиката единствено тие да бидат изоставени од пакетот на зголемување на платите во македонскиот правосуден систем.

Бизнисмените од Охрид имаат нова можност да користат средства од европските фондови во повеќе сектори. Досега, во регионов, од овие фондови се искористени најмногу средства во развој на прехранбената индустрија. Земјава во последните години има драстичен раст во користење средства од  Ипард програмите во разни дејности.

Општина Охрид, објави конкурс за пријавување на кандидати за бесплатни курсеви за основни познавања од електро струка и основни познавања од машинска струка за невработени лица од Општина Охрид.

Во рамки на Годишната програма за работа на Секторот за комунални дејности,сообраќај и улици при Општина Охрид , пред почетокот на месец мај  годинава  започна градежната  акција за крпење на ударни дупки и санирање на прекопи и навлаки на улиците  низ градов.  
Досега акцијата за крпење на ударни дупки се спроведе низ поширокото централно градско подрачје и тоа по должината на улиците:„Славеј Планина“,„7-ми Ноември“,„Егејска“ , делови од „Туристичка“.