Бизнисмените од Охрид имаат нова можност да користат средства од европските фондови во повеќе сектори. Досега, во регионов, од овие фондови се искористени најмногу средства во развој на прехранбената индустрија. Земјава во последните години има драстичен раст во користење средства од  Ипард програмите во разни дејности.

Општина Охрид, објави конкурс за пријавување на кандидати за бесплатни курсеви за основни познавања од електро струка и основни познавања од машинска струка за невработени лица од Општина Охрид.

Во рамки на Годишната програма за работа на Секторот за комунални дејности,сообраќај и улици при Општина Охрид , пред почетокот на месец мај  годинава  започна градежната  акција за крпење на ударни дупки и санирање на прекопи и навлаки на улиците  низ градов.  
Досега акцијата за крпење на ударни дупки се спроведе низ поширокото централно градско подрачје и тоа по должината на улиците:„Славеј Планина“,„7-ми Ноември“,„Егејска“ , делови од „Туристичка“.

Во рамки на одбележувањето на 8 мај Светскиот ден на Црвениот крст и Неделата на Црвениот крст од 8-15 мај, покрај бројните активности на волонтерите на Црвен крст Охрид кои под мотото „НАСЕКАДЕ ЗА СЕКОГО“ ја промовираа хуманоста и солидарноста, нашата организација на сите 17 новороденчиња, колку што се родија во текот на Неделата на Црвениот крст (8-15 мај), на Гинеколошкото одделение во Општата болница во Охрид и на нивните мајки им додели пригодни и корисни подароци со желба нивните деца родени во неделата на хуманоста, да израснат во здрави,  хумани и достоинствени личности.

Странците се повеќе нарачуваат Еден бисер. Овој автентичен коктел кој неодамна беше промовиран полека ама сигурно станува дел од гастрономската понуда во градов. Засега коктелот Еден бисер се приготвува само во десетина угостителски објекти во Охрид.

 Јадеме увозно пилешко месо, нема домашни фарми за  производство на живина.

Паркингот наспроти Центарот за обука на вода на АРМ, оваа сезона ќе се уредува. Со него стопанисува ЈП „Билјанини Извори“. Според најавите на директорот Ристе Мишев доколку оваа сезона успеат да ги исполнат сите услови за вршење наплата, овој паркинг повеќе нема да биде бесплатен.

Се чувствува мало намалување на букинзите поради актуелната политичка состојба во земјава, велат од Агенцијата за поддршка и промоција на туризмот. Но сепак, препораките на Англија и Холандија до своите граѓани, да бидат внимателни при посета на Македонија бидејќи има протести, не ги предомислуваат патниците во својата намера да ја посетат нашата земја.