Стево Пендаровски денес меѓу охриѓани. Тој ги искажа своите ставови и мислења на повеќе актуелни прашања, а побара и мислење од граѓаните. Пендароски смета дека Македонија не смее да си дозволи луксуз- да има еднострано закажани избори на 24 април не затоа што тоа не чини, е интерес или страв, туку затоа што не се обезбедени елементарни услови за фер и демократски избори.

Отпочна со работа новата градника во Пештани во  рамки на ОУ „Св Наум Охридски“. После Лескоец, Велгошти и Радојца Новичиќ ова е четврт објект за само две години, нагласи министерот Диме Спасов, кој денес беше во работна посета на Охрид и ја пофали работата на охридскиот градоначалник Никола Бакрачески и неговото залагање за зголемување на капацитетите за згрижување на деца.

Опасното свлечиште што го предизвика надојдената река Даљан, ќе се санира. Првиот човек на градот информира дека веќе во изработка е стратегија за преземање на соодветни мерки за надминување на опасноста а примарно во наредните 4 дена ќе бидат санирани штетите и ќе биде овозможена безбедност на пешаците и возилата кои го користат овој пат. 

Во Светиклиментовиот манастир на Плаошник во Охрид, се одржа промоција на книгата „Манастирите во Дебарско – Кичевската Епархија“. На промоцијата претходеше света архиерејска Литургија, на која во присуство на Неговото Блаженство Митрополитот Скопски и Архиепископ Охридски и Македонски и на Јустинијана Прима г.г. Стефан, чиноначалствуваше Митрополитот Тимотеј.

На Охрид му требаат нови хотелски капацитет.

Охриѓанец извршил физички напад врз неговата сопруга, 83-годишна жена била касната од куче скитник. Погледнете го најновиот СВР Билтен.

Од МЈП „Проаква Водовод Охрид“ информираат дека денес, 16- ти февруари, поради изведба на водоводна линија ќе има прекин на водоснабдувањето на улицата „ Јане Сандански“ од семафорите кај охридската гимназија до кружниот тек кај Општата болница, како и на улиците „ Сирма Војвода“, „ Карпош Војвода“, „ Мирче Ацев“, „ Ванчо Питошески“, „ Галичица“, „ Никола Карев“, „ 8-ми Септември“ и  „ Лазо Трпоски“.

 Пет нови автобуски постојки ќе има на Булевар Туристичка.